चीनपरस्त नेतात्रयको गोप्य बैठक
चीन निकट रहेको आरोप खेप्दै आएका माओवादी केन्द्रका नेता एवं सभामुख अग्निप्रसाद सापकोटा र एमालेका दुई जना नेताहरूबीच गोप्य मिटिङ भएको छ ।
एमसिसीको सरगर्मी बढिरहेका बेला काठमाडौंको लैनचौरस्थित सभामुखको सरकारी निवासमा सापकोटा तथा एमालेका नेताद्वय घनश्याम भुसाल र दीपकप्रकाश भट्टबीच गोप्य भेटवार्ता भएको उच्च स्रोतले जनाएको छ ।
सापकोटा, घुसाल र भट्टबीचको वार्ताका विषयमा उनीहरूले केही पनि भनेका छैनन् । एमालेका नेताद्वय भुसाल र भट्ट पनि चीनपरस्त मानिन्छन् ।
स्रोतका अनुसार उनीहरूका बीच अमेरिकी सहयोग परियोजना मिलेनियम च्यालेञ्ज कर्पोरेसन ९एमसीसी० सम्झौता कसरी रोक्न सकिन्छ भन्ने विषयमा कुराकानी भएको थियो । निष्पक्ष भूमिका निर्बाह गर्नुपर्ने सभामुख सापकोटा खुलेरै एमसीसीको विपक्षमा भूमिका खेलिरहेका छन् ।
चीनले नेपालमा एमसीसी सम्झौता लागू हुन नदिन विभिन्न चलखेल गर्दै आएको छ । चीनले आफ्ना एजेन्ट र दलालहरूलाई परिचालन गरेर एमसीसी रोक्न खोजिरहेको छ ।
सभामुख सापकोटा र एमालेका नेताद्वय भुसाल र भट्टले आगामी निर्वाचनमा एमाले–माओवादीको सम्भावित गठबन्धनका विषयमासमेत परामर्श गरेका थिए ।
एमालेका सरकार रहेका बेला एमसीसीलाई तत्कालीन प्रधानमन्त्री केपी शर्मा ओलीले प्रतिनिधि सभामा दर्ता गराएका थिए ।
एमालेका अध्यक्ष समेत रहेका ओलीले एमसीसीलाई जसरी पनि पारित गराउनुपर्ने भन्दै संसदमा प्रस्ताव टेबुल गरेका थिए ।
