सुन पाउने आशमा बिद्यालयमै महिलाको बली
केही समय अघिमात्रै नवलपरासीमा एक बालकलाई बलि दिएको घटना नसेलाउँदै पुन अर्काे त्यस्तै घटना घटना भएको छ । समाजमा अन्धबिश्वास हटाउन प्रयास गर्नुपर्ने विद्यालयका प्रध्यानाध्यापकले नै सुन पाउने आशमा एक महिलाको बलि चढाउने प्रयास गरेका छन् ।
नवलपरासीको प्रतापपुर गाउँपालिका–३ अमुवामा रहेको न्यु गोल्डेन लाइफ इंग्लिस बोर्डीङ स्कुलका सञ्चालक तथा प्रिन्सिपल हरेन्द्र बडै शर्माले स्थानीय महिलाको बलि चढाउन खोजेको स्थानीयहरु बताउँछन् ।
शर्माले गाउँकै फूलमति मुसहरलाई बलि दिने प्रयास गरिरहेको अबस्थामा मुसहरको आफन्तले देखेपछि बलि चढाउन रोकिएको थियो ।
विद्यालय परिसरभित्रै चार फिट गहिरो, डेढ–डेढ फिट लम्बाइ तथा चौडाइको खाल्डो खनेर बलि दिए सो स्थानमा सुन पाइने अन्धबिश्वास शर्माको मनमा पलाएपछि बलि चढाउने प्रयास गरेको हुनसक्ने स्थानीयको भनाइ रहेको छ । तर, शर्माले भने फूलमति बिरामी भएकाले उन्को उपचारका लागि पूजा गर्न खाजेको दाबी गरे ।
स्रोतका अनुसार फूलमतिसँग लामो समयसम्म बोलचाल बन्द भएका प्रिन्सिपल हरेन्द्रले फूलमतिका देवर र नन्दको सहारामा ती महिलालाई उक्त स्थलमा राति १२ बजे लगेका थिए ।
शर्माले १८ जेठको शुक्रबार राति धामी बोलाएर स्कुलको प्रांगणअघि रहेको टहरोमा करिब चार फिट गहिरो खाल्डो खनेर विशेष पूजा गरेको र राति करिब १२ बजे विद्यालयसँगै जोडिएको लगिएको थियो ।
फूलमतिलाई उनकै देवर–देउरानीको मिलोमतोमा बलि चढाउने ठाउँसम्म पु¥याएको खुलेको छ ।
