पेन्सनकै लोभमा पाँच महिनादेखि आमाको लास लुकाउँदै छोरा
भारतको उत्तर प्रदेशस्थित बनारसमा एक महिलाको मृत्यु भएको पाँच महिनासम्म उनका छोराहरूले लाश छोपेर राखेको पत्ता लागेको छ ।
बनारसको कबीर नगर कोलोनीमा एक घरमा बस्ने महिलाको मृत्यु पाँच महिनाअघि भएको थियो । उनी सरकारी जागिरबाट रिटायर भएर पेन्सन लिइरहेकी थिइन् ।
आमाको मृत्युपछि छोराहरूले पैसा पाइरहने लोभमा पाँच महिनासम्म लाश लुकाएर राखेका थिए ।
घटनाको जानकारी पाएपछि प्रहरी घटनास्थल पुगेर लाश बरामद गरेर पोस्टमार्टमका लागि पठाएको छ । मृतक महिलाका छोराहरूलाई पक्राउ गरेर मुद्दा दर्ता गरिएको छ । एजेन्सी
