नेपाली राष्ट्रिय महिला किक्रेट टिमकी उपकप्तान सिता रानाले हङकङमा क्रिकेट खेल्ने
काठमाडौँ । नेपाली राष्ट्रिय महिला क्रिकेट टिमकी उपकप्तान सिता राना मगरले हङकङमा आयोजना हुने क्रिकेट प्रतियोगितामा सहभागिता जनाउने भएकी छन् ।
सिताले हङकङमा आयोजना हुने महिला क्रिकेट प्रतियोगिता फेयर ब्रेक इन्भिटेस्नल– २०२२ खेल्ने भएकी हुन् ।
फेयर ब्रेक इन्भिटेस्नल– २०२२ अन्तर्राष्ट्रिय क्रिकेट परिषद् (आईसीसी)बाट मान्यता प्राप्त महिला टी–ट्वान्टी प्रतियोगिता हो ।
यससँगै सिता विदेशी प्रतियोगिता खेल्ने पहिलो नेपाली महिला क्रिकेट खेलाडी समेत बनेकी छिन् ।
प्रतियोगिता आगामी वर्षको मे १ देखि १५ तारिखसम्म हङकङमा हुनेछ ।
प्रतियोगितामा ६ टिमको सहभागिता रहने छ ।
भारतीय खेलाडी हर्मनप्रित कौर, पाकिस्तानकी सना मिर जस्ता खेलाडीहरुले सहभागिता जनाउनेछन् ।
क्रिकेटको माध्यमबाट लैङ्ङ्गिक समानता र महिलालाई समाजको मुलधारमा ल्याउने उदेश्यका साथ यस प्रतियोगिताको आयोजना हुँदैछ ।
प्रतियोगितामा सिताले कुन टिमबाट खेल्ने भन्ने अन्तिम निर्णय आयोजकले गर्ने बताइएको छ ।
