गोरखामा मोतिबिन्दु अप्रेशन शिविरबाट १८ जना लाभान्वित
गोरखा लायन्स आँखा सेवा केन्द्रद्धारा संचालित मोतिबिन्दु अप्रेशनको शिविरबाट १८ जना लाभान्वित भएका छन् ।
मंसिर १९ गते देखि २१ गते सम्म भएको शिविरबाट १८ जना लाभान्वित भएको गोरखा लायन्स आँखा सेवा केन्द्र गोरखाका लेखा तथा प्रशासकीय अधिकृत विमला कार्कीले बताइन । १० जना महिला र ८ जना पुरुषको मोति विन्दुको शल्यक्रिया गरेको उनले बताइन् ।
जसमा सबै भन्दा जेष्ठ उमेरको आरुघाट ७ निबासी ८३ वर्र्षीय भिम बहादुर थापा मगर र सबै भन्दा कम उमेरको गोरखा नगरपालिका २ की २६ वर्षकी बसिरा मिया रहेको अस्पतालले जनाएको छ ।
सबै भन्दा टाढाबाट आएर अप्रेशन गर्ने धार्चे ५ का ७५ वर्र्षीय धन बहादुर गुरुङ रहेको उनले जानकारी दिइन् । दुर्गम क्षेत्रबाट आएका स्थानीयहरु पनि जिल्लामै आँखाको मोतियाविन्दुको अप्रेशन गर्न पाउँदा धेरै खुसी छन् ।
हिमालय आँखा अस्पताल पोखराको प्राविधिक सहयोग तथा गोरखा लायन्स आँखा सेवा केन्द्र र लायन्स क्लब अफ गोरखाको आयोजनामा मोतिबिन्दु मोतिबिन्दु शल्यक्रिया शिविर भएको हो ।
२०६१ सालमा स्थापना भएको आँखा अस्पतालले विगत ११ वर्षदेखि नै आँखाको मोतियाविन्दु अप्रेशन गर्दै आएको छ । सन २०२२ को हालसम्ममा सात हजार भन्दा धेरैको आँखाको चेकजाँच तथा उपचार सेवा लिएका छन् ।
