हिमचुली बचत तथा ऋण सहकारीको २९ औँ स्थापना दिवस सम्पन्न
गोरखा सदरमुकामा रहेको हिमचुली बचत तथा ऋण सहकारी संस्थाको २९ औँ स्थापना दिवस विभिन्न कार्यक्रम गरी सम्पन्न भएको छ । गोरखा नगरपालिका वडा ७ नयाँबजारमा आइतबार विभिन्न कार्यक्रम गरी स्थापना दिवस समापन भएको हो ।
कार्यक्रममा जेष्ठ सदस्य ८४ वर्षका हुमादेवी मरहट्टा र शंखनारायण श्रेष्ठलाई जनही पाँचहजारसहित सम्मानपत्र र दोसल्ला ओडाएर सम्मान गरिएको थियो । त्यसैगरी जेष्ठ सदस्यहरु अशोककुमारी श्रेष्ठ र कृष्णबहादुर थापालाई सम्मानपत्रका साथ दोसल्ला ओडाएर सम्मान गरिएको संस्थाका ब्यवस्थापक प्रेम श्रेष्ठले बताए ।
असल ऋणीहरुमा कृषि ब्यवसायतर्पm डोरबहादुर बस्नेत, घर निर्माणतर्पm राधा गान्धारी र ब्यापार ब्यवसायतर्पm मोहम्मद युसुफ मियाँलाई सम्मान पत्र सहित दोसल्ला ओडाएर सम्मान गरिएको उनले जानकारी दिए ।
त्यसैगरी शेयर सदस्यहरु थप गर्नमा विशेष भूमिका निर्वाह गरेका क्षेत्र नं. २, उपक्षेत्र नं. ५ का संयोजक सुदिप उपरकोटीलाई र सामुदायिक विद्यालय र नीजि विद्यालयवाट कक्षा १ देखि कक्षा १० सम्म २०७७ सालको वार्षिक परीक्षामा सर्वोत्कृष्ट अंक ल्याएका विद्यार्थीहरुलाई पनि सम्मान गरिएको श्रेष्ठले बताए ।
संस्थाका अध्यक्ष रामबाबु श्रेष्ठको अध्यक्षतामा तथा वडा नं. ७ का वडा अध्यक्ष विष्णुप्रसाद श्रेष्ठका प्रमुख आतिथ्यतामा कार्यक्रम भएको भएको हो ।
