मनकामना केन्द्रविन्दू भएर ४.१ म्याग्निच्यूडको भूकम्प
गोरखाको मनकामना केन्द्रविन्दु भएर भूकम्प गएको छ ।
बुधवार दिउँसो ४ बजेर ५४ मिनेटमा मनकामना आसपास केन्द्रविन्दु भएर ४ दशमलव १ म्याग्निच्युडको भूकम्प गएको हो ।
यो २०७२ सालको गोरखा भूकम्पको परकम्प भएको राष्ट्रिय भूकम्प मापन तथा अनुसन्धान केन्द्रले जनाएको छ । भूकम्पको धक्का गोरखासहित, धादिङ, चितवन, लमजुङलगायतका जिल्लामा महशुस गरिएको थियो ।
भूकम्पका कारण कुनै क्षति भएको विवरण नआएको जिल्ला प्रहरी कार्यालय गोरखाले जनाएको छ ।
