मददाता नामावली संकलनलाई अन्तरक्रिया कार्यक्रम सम्पन्न
जिल्ला निर्वाचन कार्यालय गोरखाले यहि मंसिर १७ गतेबाट पालिका स्तरमा सुरु हुने मतदाता नामावली संकलनका लागि छलफल तथा अन्तरक्रिया कार्यक्रम सुरु गरेको छ । आइतबार जिल्ला प्रशासन कार्यालयमा सरकारी कार्यालयका प्रमुख, राजनीतिक दल, नागरिक समाज, विभिन्न गैरसरकारी संस्था लगायकासँग छलफल तथा अन्तरक्रिया कार्यक्रम गरेको हो ।
कार्यक्रममा मतदाता नामावली दर्ता, संकलन गर्ने प्रक्रिया, आवश्यक कागजात, नामावली संकलन गर्ने स्थान, अवधि लगायतका बारेमा जानकारी गराइएको जिल्ला निर्वाचन कार्यालय गोरखाका प्रमुख टेक बहादुर कोइरालाले बताए । मंसिर १७ गतेबाट पालिका स्तरमा हुने मतदाता नामावली संकलनलाई थप व्यवस्थित, छिटो छरितो तरिकाले काम सम्पन्न गर्न सबैसँग राय सल्लाह मागिएको पनि उनले बताए ।
यस्तै ११ स्थानीय तह रहेको गोरखामा हरेक पालिकाको केन्द्रमा मंसिर १७ गतेबाट मतदाता नामावली संकलनका लागि कर्मचारी खटाइने छ । यसका लागि कार्यालयबाट एक जना अनुभवी कर्मचारी र पालिका तीन जना गरी एउटा पालिकामा चार जना परिचालन गरिने निर्वाचन कार्यालयले जनाएको छ । जनशक्ति र स्रोतसाधन अभावका कारण वडास्तरमा जान नसकिकाले पालिका केन्द्रबाट मतदाता नामावली संकलन हुने भएको कार्यालय प्रमुख कोइरालाले जानकारी दिए ।
