आँबुखैरेनी क्याम्पसका प्रमुख ऋषि केसीद्वारा छात्रवृत्ति प्रदान
तनहुँको आँबुखैरेनी क्याम्पसका क्याम्पस प्रमुख एवं लायन्स क्लव अफ आँबुखैरेनी सिटीका अध्यक्ष ऋषि केसीले जन्मदिनको अवसरमा विद्यार्थीहलाई छात्रवृत्ति प्रदान गरेका छन् ।
क्याम्पस प्रमुख केसीले आईतबार क्याम्पसमा बिबिएस प्रथम वर्षका सर्वोत्कृष्ट विद्यार्थी मेलिना भट्टलाई छात्रवृत्ति प्रदान गरेका हुन् ।
लायन्स क्लव अफ आँबुखैरेनी सिटिले आँबुखैरेनीमा गरेको एक कार्यक्रममा क्याम्पस प्रमुख केसीले छात्रवृत्ति स्वरुप नगद १० हजार १ सय रुपैयाँ विद्यार्थीलाई दिए ।
यसैबिच केहि दिन अघि पनि एक स्थानीयले जन्मदिनको अवसर पारेर क्याम्पसका दुई जना विद्यार्थीहरुलाई छात्रवृत्ति प्रदान गरेका थिए ।
क्याम्पस संचालक समितिका उपाध्यक्ष एवं लायन्स क्लव अफ अकलाका द्वितीय उपाध्यक्ष बिमला देवकोटाले हाल अमेरिका निवासी आफ्नो छोरा असिम देवकोटाको साउन २० गतेका दिन प्रथम वर्षका छात्रा इन्दु अधिकारी र तृतीय वर्षका छात्रा केमिका श्रेष्ठलाई जनही १० हजार ५ सय १० रुपैयाँ छात्रवृत्ति रकम प्रदान गरिएको हो ।
विद्यार्थीहरुको पठनपाठनमा सहयोग पुगोस् भन्ने उद्देश्यले छात्रवृत्ति रकम सहयोग गरिएको उनले बताए ।
