पहिरोले पृथ्वी राजमार्गको डुम्रे–दमौली खण्ड अवरुद्ध (फोटाेफिचर)
निरन्तरको बर्षातका कारण आएको पहिरोले पृथ्वी राजमार्ग अवरुद्ध भएको छ । पृथ्वी राजमार्ग अन्तरगत तनहुँको डुम्रे–दमौली सडकखण्ड अन्त्रगत छिर्कने भन्ने स्थानमा राती पहिरो खसेसंगै सडक अवरुद्ध भएको हो ।
सडकमा ठूला–ठूला ढुंगासहितको पहिरो आएको दमौली स्थानीय विशाल श्रेष्ठले जानकारी दिए । हाल डोजरले पहिरो हटाउने प्रयास गरिरहेपनि ठूलो ढुंगा भएको कारण कठिनाई भइरहेको उनले बताए ।
रातीदेखि नै पहिरोका कारण राजमार्ग बन्द भएसंगै सडकमा गाडीको कैयौ किलोमिटरसम्म जाम देखिएको बताइएको छ ।
