बाढी पीडितलाई ओल्ड क्यापिटल स्कुलको तीन लाख ९० हजार राहत
गत भदौ १० गतेको भोटेकोशी–त्रिशुलीको बाढीका पीडितहरुका लागि गोरखाको दि ओल्ड क्यापिटल स्कूलले तीनलाख ९० हजाररुपैयाँ राहत दिएको छ ।
सोमबार विद्यालयका अध्यक्ष सुरेन्द्र कुँवर र प्रिन्सिपल जनक केसीले सो रकम प्याव्सन रिलिफ फण्डमार्फत प्रधानमन्त्री दैवी प्रकोप उद्धार कोषको खातामा जम्मा गरेका हुन् । विद्यालयले स्कूलका विद्यार्थी तथा अभिभावकबाट एकलाख ९६ हजार चारसय ४४ रुपैयाँ, शिक्षक तथा कर्मचारीहरुबाट एकलाख १३ हजार ५५६ र विद्यालयको तर्फबाट ८० हजार रुपैयाँ संकलन गरी पठाएको प्रिन्सिपल केसीले जानकारी दिए ।
यस्तै नेपाल वितरक महासंघले पनि प्रधानमन्त्री दैबी प्रकोप उद्धार कोषको खातामा दश लाख दश हजार १११ रुपौँया जम्मा गरेको जानकारी दिएको छ ।
