गोरखाका १६६५ जनाको पिसिआर रिपोर्ट आउन बाँकी, १५६ लाई निको, सक्रिय संक्रमित ६२४
गोरखामा स्वाब संकलन भएका मध्ये १६५५ जनाको रिपोर्ट प्राप्त हुन बाँकी रहेको स्वास्थ्य कार्यालय गोरखाले जनाएको छ ।
बिभिन्न पालिकाले लक्षण देखिएका र कन्ट्याक्ट ट्रेसिङमा परेकाहरुको स्वाब संकलन गरेर पिसिआर परीक्षणका लागि जनस्वास्थ्य प्रयोगशाला पोखरा पठाएको थियो । प्रयोशालामा चाप धेरै भएको बताउँदै एक साता सम्म रिपोर्ट आएको छैन । गोरखामा हाल सक्रिय संक्रमितको संख्या छ सय २४ रहेको स्वास्थ्य कार्यालयका कोरोना फोकल पर्सन नारायणबाबु अर्यालले बताए ।
गोरखामा हाल सम्म सात सय १९ जना जिल्ला भित्रै पिसिआर संकलन गरिएका र ७५ जना जिल्ला बाहिर पिसिआर जाँच गरेकालाई कोरोना संक्रमण पुष्टि भएको स्वास्थ्य कार्यालयले जनाएको छ ।
यी मध्ये ११८ जिल्ला भित्र स्वाब दिएकाहरु ३८ जना जिल्ला बाहिर संक्रमण पुष्टि भएकालाई निको भईसकेको छ ।
