गोरखा क्याम्पसको आइसोलेशनबाट तीनजना डिस्चार्ज
कोरोनामुक्त भएपछि गोरखा क्याम्पसको आइसोलेशनबाट तीनजना डिस्चार्ज भएका छन् ।
गोरखा अस्पतालले सोमबार प्रेस विज्ञप्ति जारी गरी गोरखा नगरपालिका ८, पालुङटार नगरपालिका ५ र चुमनुब्री गाउँपालिकाका वडासचिवलाई आइसोलेशनबाट मुक्त गरिएको जानकारी गराएको हो ।
विज्ञप्तिअनुसार आइसोलेशनमा आएपछि गरिएको कोरोना परीक्षणमा तीनजनामा कोरोनाका भाइरस नदेखिएकाले १४ दिन होम क्वारेण्टाइनमा बस्ने सर्तमा डिस्चार्ज गरिएको जनाइएको छ ।
