गोरखामा सात संक्रमित थपिए
गोरखामा सात कोरोना संक्रमित थपिएका छन् ।
गण्डकी प्रदेश स्वास्थ्य निर्देशनालयले आइतबार बिहान १० बजे जारी गरेको विज्ञप्तीमा गोरखामा ७ जनामा संक्रमण पुष्टि गरेको हो ।
गोरखामा थपिएका संक्रमित मध्ये गोरखा नगरपालिकाका ३ र भिमसेन थापा गाउँपालिकाका ४ जना रहेको बताइएको छ ।
गोरखा नगरपालिकामा थपिएका मध्ये वडा नम्बर ७ का एक पुरुष, एक जना होटल क्वारेनटाइनमा बसेका पुरुष र एक जना नापी कार्यालय गोरखामा कार्यरत महिला कर्मचारी रहेको गोरखा नगरपालिकाका स्वास्थ्य शाखा प्रमुख इश्वर रेग्मीले जानकारी दिए ।
त्यस्तै गोरखामा थपिएका अन्य चार जना भिमसेन थापा वडा नम्बर ७ र ८ बोर्लाङका रहेको बताइएको छ ।
