लकडाउनअघि विदेशबाट गोरखा आएका ३८ जनाको नाम सार्वजनिक, सघन निगरानीमा राख्न स्थानीयतहलाई आग्रह
जिल्ला कमाण्ड पोष्टले कोरोना भाइरस फैलिरहेका बिभिन्न देशबाट गोरखा भित्रिएका ३८ जनाको नाम सार्वजनिक गरेको छ । लकडाउन हुनुअघि बिभिन्न देशबाट गोरखाका दुई नगरपालिका तथा नौ वटा गाउँपालिकामा आएकाहरुको नाम शुक्रबार सम्पन्न कमाण्डपोष्ट बैठकले सार्वजनिक गरेको हो ।
जसअनुसार गोरखा नगरपालिका ५ मा कतारबाट एक, भारतबाट एक, गोनपा ३ मा कतारबाट एक, गोनपा १४ मा माल्दिभ्सबाट एकजना, गोनपा १० मा बहराइनबाट एक, जापानबाट एक, गोनपा २ मा कतारबाट एक, गोनपा ११ मा कतारबाट एक, गोनपा १२ मा भारत र मलेसियाबाट एकएकजना आएको उल्लेख छ ।
त्यस्तै पालुंटार नगरपालिका ६ पौवाटारमा कतारबाट एक, सिरानचोक ८ मा कतारबाट एक, अजीरकोट ४ मा जापानबाट तीनजना, बारपाक सुलीकोट गाउँपालिका ६ मा कोरियाबाट एकजना, मलेसियाबाट एक, बहराइनबाट एक र भारतबाट एकजना ४ मा भारतबाट चारजना, जापानबाट एकजना, मलेसियाबाट एकजना, २ मा भारतबाट दुईजना, १ मा युएईबाट एकजना आएका छन् ।
त्यस्तै भीमसेनथापा गाउँपालिका ७ मा कतारबाट दुईजना, ६ मा भारतबाट एक, अमेरिकाबाट एकजना आएका छन् । शहीद लखन गाउँपालिका १ मा चार जना भारतबाट आएका छन् । त्यस्तै गण्डकी गाउँपालिका ८ मा साउदीबाट एकजना र युएईबाट एकजना आएको कमाण्डपोष्टले उल्लेख गरेको छ ।
उनीहरुलाई क्वारेण्टाइनमा राखी सघन निगरानी गर्न नगरपालिका, गाउँपालिकालाई आग्रह गर्ने निर्णय गरिएको कमाण्डपोष्टका सदस्य सचिव हर्क रोकाले जानकारी दिए ।
