ऐनापहरा बस दुर्घटनाका अपडेड दुई घाइते चितवन रिफर, तीनजना डिस्चार्ज
गोरखाबाट चितवनतर्फ जाँदै गरेको यात्रुबाहक बस दुर्घटना हुँदा पाँच जना घाइते भएका छन् । ग २ ख १०७७ नंबरको बस आइतबार अपरान्ह चारबजेतिर ऐनापहराबाट करिब १५ मिटर तल खस्दा बसमा सवार पाँच जना घाइते भएका वडाअध्यक्ष दिनेश केशीले जानकारी दिए ।
केशीका अनुसार सहिदलखन गाउँपालिका ६ की ४० बर्षीया सुनु थापा, सहिद लखन ६ रानीस्वाँराकी ४३ बर्षीया सीता थापा, सोही ठाउँकी २८ बर्षकी मीना थापा मगर, गोरखा नगरपालिका ९ का ५४ बर्षीय सनबहादुर गुरुङ र आँबुखैरेनी गाउँपालिका १ गिरानचौरका आठ बर्षका खुशी राम रामदाम घाइते भएका छन् ।
घाइते मध्य गम्भीर अबस्थामा रहेका सनबहादुर गुरुङ र सुनु थापालाई भरतपुर रिफर गरिएको उनले बताए । बाँकी तीनजना आँबुखैरेनी अस्पतालमा उपचार गरी डिस्चार्ज भएका छन् ।
सो बसमा १२ जना यात्रु रहेकामा केही यात्रु ओर्लेर ऐनापहरातिर गएका, केही यात्रु, बसका चालक र सहचालक हाम्फालेर ज्यान जोगाएका इप्रका आँबुखैरेनीका इन्स्पेक्टर टेकप्रसाद सुवेदीले जानकारी दिए । दुईजना यात्रु बससंगै तल पुगेकाले गम्भीर घाइते भएका उनको भनाइ छ ।
