सेफ्टी ट्यांकीमा खसेर एक महिलाको मृत्यु
लमजुङमा सेफ्टी ट्यांकीमा खसेर एक महिलाको मृत्यु भएको छ । सुन्दरबजार नगरपालिका–४ दुराडाँडामा अन्दाजी ३५/३६ वर्षीया धनमाया भुजेलको मृत्यु भएको हो ।
जिल्ला प्रहरी कार्यालय लमजुङका प्रहरी नायब उपरीक्षक गंगा थापाका अनुसार बुधबार बिहान भुजेलको शव सेफ्टी ट्यांकीमा मृत अवस्थामा भेटिएको हो ।
घटनाबारे थप अनुसन्धान भइरहेको थापाले बताए । मृतकको शव पोष्टमार्टमको लागि जिल्ला अस्पताल पठाइएको छ ।
