खाना पकाउने ग्याँस लिक हुँदा आगलागी
भक्तपुरको चाँगुनारायण-५ पिखेलस्थित एक घरमा आगलागी भएको छ ।
स्थानीय प्रदीप कार्कीको कच्ची ३ तले घरमा आइतबार राति ९ बजे खाना पकाउने ग्याँस लिक भएर आगलागी भएको हो ।
प्रहरी, स्थानीय र दमकलको सहयोगमा राति नै आगो नियन्त्रणमा लिइएको महानगरीय प्रहरी परिसर भक्तपुरले जानकारी दिएको छ । परिसरका अनुसार आगलागीबाट ११ लाख ८६ हजार ५०० बराबरको धनमाल नष्ट भएको छ ।
