चितवनमा कोरोना निको हुने दर कम, ३३ प्रतिशत सक्रिय संक्रमित
चितवन जिल्लामा कोरोना संक्रमणबाट ६७ प्रतिशत निको भएका छन् ।
देशभर र अन्तराष्ट्यि तथ्यांकका आधारमा हेर्दा यो दर कम हो । जिल्ला स्वास्थ्य कार्यालय चितवनका अनुसार ४ हजार ४ सय ५३ कुल संक्रमित मध्ये सोमबार साँझसम्म २ हजार ७ सय ८१ जना कोरोना संक्रमण मुक्त भएका हुन् ।
जिल्लामा अझै ३७ प्रतिशत संक्रिय संक्रमित रहेको स्वास्थ्य कार्यालयले जानकारी दिएको छ । कार्यालयका अनुसार १ हजार ६ सय ५ जना संक्रिय संक्रमित छन् ।
सक्रिय संक्रमित मध्ये भरतपुर महानगरपालिकामा सबैभन्दा धेरै १ हजार १ सय ९६ छन् ।
त्यसपछि क्रमशः रत्ननगरमा १ सय ६६, खैरहनीमा ८८, राप्तीमा ८४, कालिकामा ४५, माडी नगरपालिकामा १५ र इच्छाकामना गाउँपालिकामा ११ जना संक्रिय संक्रमित रहेको कार्यालयले जानकारी दिएको छ ।
