निर्वाचन अवधिभर गण्डकी गाउँपालिकामा २४ सै घण्टा एम्वुलेन्स सेवा
निर्वाचन अवधिभर स्वास्थ्य उपचारको आकस्मिक अवस्था परेमा गण्डकी गाउँपालिकाका तीन वटा स्वास्थ्य संस्थाबाट २४ सै घण्टा एम्वुलेन्स सेवा उपलब्ध हुने भएको छ । मंगलवार एक सूचना जारी गर्दै पालिकाले निर्वाचन अवधिभर मकैसिङ प्राथमिक स्वास्थ्य केन्द्र, भुम्लिचोक स्वास्थ्य चौकी र दर्बुङ स्वास्थ्य चौकीको एम्बुलेन्स २४ सै घण्टा उपलब्ध हुने जनाएको छ ।
‘निर्वाचन अवधिभर आवश्यक पर्नसक्ने अत्यावश्यक स्वास्थ्योपचारका लागि तथा कुनै आकस्मिक अवस्था परेमा पालिकाबाट एम्वुलेन्स सेवा २४ सै घण्टा र अन्य सवारीसाधनहरुको व्यवस्था हुने कुरा जानकारी गराउँदछौ,’ सूचनामा उल्लेख छ ।
साथै पालिकाले बिहीवारको निर्वाचनलाई स्वच्छ, निष्पक्ष र भयमुक्त वातावरणमा सम्पन्न गर्न पालिकावासीलाई अनुरोध समेत गरेको छ ।
