दशैं मेलामा सवा दुई करोड रुपैयाको कारोबार
गोरखा सदरमुकाममा जारी दशैं सस्तो वजार तथा सडक मेलाको पाचौें दिनसम्ममा करीब सवा दुई करोड रुपैयाको आर्थिक कारोबार भएको आयोजकले दावी गरेको छ । मेला आयोजक गोरखा चेम्वर अफ कमर्शका अध्यक्ष भाईचन्द्र श्रेष्ठका अनुसार बुधबार मात्रै करीब ४५ लाख रुपैया बराबरको कारोबार भएको छ । उपभोक्ताले धेरैजसो लत्ताकपडा, भाडावर्तन लगायतको स्टलमा रुचि देखाएका चेम्वरका महासचीव रामस्वरुप श्रेष्ठले जानकारी दिए । असोज २० गतेबाट शुरु भएको मेलामा १ शय ३० स्टल छन् ।
तिनमा लत्ताकपडा, घरायसी सामान, श्रृङ्गारका सामान, जिल्लाको चुमनुब्री र धार्चे गाऊँपालीकामा उत्पादित खाद्यसामग्री र जडिबुटी लगायतको स्टल रहेका छन् । चौंथो दिनसम्ममा ३० हजार बढिले मेला अवलोकन गरेका आयोजकको भनाई छ । अन्तिमदिन असोज ३० गतेसम्ममा ४० देखि ६०हजार दर्शकले मेला अवलोकन गर्ने र करीव ६ करोडको कारोबार हुने चेम्बर अफ कमर्शको अनुमान छ । निशुल्क प्रवेश गर्न पाइने भएकाले पनि उपभोक्ताहरुलाई उपभोग्य वस्तु खरीदका लागि सजिलो भएको आयोजकको दावी छ । बुधबार कलाकारहरु राजा राजेन्द्र पोख्रेल, शोभा त्रिपाठी, प्रकाश गुरुङ, शिला गुरुङ लगायतले साँगीतिक कार्यक्रम प्रस्तुत गरेका मेलाका साँस्कृतिक संयोजक गणेश श्रेष्ठले जानकारी दिए । यसैविच मेला स्थल हरमटारी खेलकुद मैदानमानवदूर्गा पूजा शुरु भएको छ ।मेला स्थलमा नवदूर्गाको मूर्ति स्थापना गरि घटस्थापना गरेर दुर्गापुजा शुरु भएको आयोजक गोरखा चेम्वर अफ कमर्शले जनाएको छ । मेलास्थलमा नवदूर्गा लगायत देवीदेवताको मूर्ति स्थापना गरिएको छ । त्यहि घटस्थापनाका अबसरमा जौ र मकैको जमरा पनि राखीएको छ । नवरात्रभर साँझ बिहान दूर्गा पूजा सहित भजनकिर्तन हुने गोरखा चेम्वर अफ कमर्शका अध्यक्ष श्रेष्ठले जानकारी दिए ।
