चकलेट चटाउने होइन, व्यवहारिक होओस् घोषणा पत्र
विवेकशील साझा पार्टीका काठमाडौँका एक उम्मेद्वारले आफ्नो घोषणा पत्रमा आफ्नो निर्वाचन क्षेत्रका मतदाता सबैको सुगर, प्रेसर नियमित चेकजाँच गर्ने उल्लेख गरेका छन् । देख्दा सानो लाग्ने तर कार्यान्वयन गर्न सकिने र जनमानसमा अत्यन्त प्रभावकारी रहेको यो कार्यक्रमको सर्वत्र प्रसंसा भएको छ ।
हावामा महल बनाउने खालका हावादारी घोषणापत्र भन्दा यस्तो घोषणपत्र जनमानसमा प्रसंसित नै हुन्छ । कुनै पार्टीले सगरमाथामा केवलकार बनाउने घोषण पत्र पनि जारी गरेका छन् । यसअघिको चुनावमा चुल्हाचुल्हामा ग्याँसको पाइपलाइनदेखि हावाबाट बिजुलीसम्मका बेतुकका कुरा घोषणापत्रमा उल्लेख थिए ।
अहिले आसन्न प्रतिनिधिसभा र प्रदेश सभाको निर्वाचनका लागि उम्मेद्वारहरुले घोषणा पत्र ल्याउने तयारीमा छन् । कतिपय उम्मेदवारले घोषणपत्र ल्याइसकेका छन् । कुनै उम्मेद्वारले घोषणापत्र ल्याउने तयारी गर्दैछन् ।
आउने त आए, चकलेट चटाउने खालको आए पनि आए, ललीपप खुवाउने आए पनि आए । अब आउनेवाला घोषणा पत्र विश्वास गर्ने खालको आओस् । यो त कार्यान्वयन गर्न सकिन्छ भन्ने खालको आओस् । दुनियाँ हाँस्ने खालको नआओस् ।
असम्भव भन्ने कुनै कुरा हुदैन भनेर घोषणा पत्रमा नेपालमा बुलेट टूेन, पानी जहाजका कुरा लेख्नेहरुको खाँचो छैन । खाँचो छ त, जनस्वास्थ्यलाई कसरी प्रभावकारी बनाउने, गुणस्तरीय, व्यवहारिक र व्यवसायिक शिक्षा कसरी जनजनमा पु¥याउने, सहज ढंगले गाँस र बासको ग्यारेण्टी कसरी पु¥याउन सक्ने भन्ने खालको पत्यारिला बुँदाहरु घोषणा पत्रमा हुनुपर्छ ।
सहरको सुविधा गाउँमा पु¥याई, बसाइँसराई न्युनिकरण गर्ने, रोजगारको प्रवन्ध देशभित्रै गरी युवा विदेशिने क्रमलाई कसरी
न्यूनिकरण गर्ने भन्ने खालका कार्यक्रम भए जनमनमा रम्न सक्छ ।
घोषणापत्र व्यहारिक र धरातलीय यथार्थसित मिल्ने खालको भएर मात्र पनि कहाँ पुग्छ र ? त्यसलाई कार्यान्वयन गर्न सक्षम नेता चुन्ने गहर जिम्मेवारी पनि मतदातामा छ ।
