आज ईदउल फित्र मनाइँदै, सार्वजनिक बिदा
अरबी पात्रो हिजरी संवत्अनुसार दशौँ महिना (सौवाल) को पहिलो दिन आज देशभरका मुस्लिम समुदायले विशेष नमाज पाठ गरी ठूलाबडाबाट आशीर्वाद लिएर ईदउल फित्र पर्व मनाउँदै छन्। इदउल फित्रको अवसरमा सरकारले मंगलवार आज सार्वजनीक बिदा दिएको छ ।
गोरखाका मुस्लिम समुदायले पनि यो वर्ष धुमधामका साथ मनाउने गर्छन । गोरखा नगरपालिका, भिमसेन थापा गाउँपालिका, गण्डकी गाउँपालिका, भिमसेन थापा गाउँपालिका, सिरानचोक गाउँपालिका, गण्डकी गाउँपालिका, आरुघाट गाउँपालिका क्षेत्रमा मुस्लिम समुदायका बाक्लो बसोबास छ ।
दशौँ महिनाको पहिलो दिन आज विशेष नमाज पाठ गरेपछि तीन दिनसम्म आफूभन्दा ठूलाबडाकहाँ गएर आशीर्वाद लिइन्छ। यस पर्वमा आफूभन्दा सानालाई आशीर्वाद दिने गरिन्छ। आशीर्वाद लिन आउने आफन्तलाई सेवई, खजुरलगायत मीठा खानेकुरा खान दिने चलन छ।
खुसीपूर्वक दान गरेर दीनदुःखी एवं गरीबलाई बाँडिने भएकाले यो पर्वलाई ईदउल फित्र भनिएको हो।
अरबी पात्रोअनुसार नवौँ महिनाको अन्तिम दिन चन्द्रमा देखिएपछि ईदउल फित्र मनाउने कार्यक्रम तय हुने गरेको नेपाली जामे मस्जिदका सचिव मन्सुर हुसेनले राससलाई जानकारी दिनुभयो। नवौँ महिनाको अन्तिम दिन बिहीबार बेलुका चन्द्रमा देखिएपछि आज ईदउल फित्र मनाइएको हो।
