२२० केभीए विद्युत प्रशारण लाइनको कामले गति लिओस्
आर्थिक आधारको मेरुदण्ड मानिएको मनाङदेखि चितवनसम्मको २२० केभीएको विद्युत प्रशारण लाइन विस्तारको काम गोरखाको पालुंटारमा आई रोकिएको झण्डै तीनबर्ष भएको छ । एयरपोर्ट भएर पनि अघि बढ्न नमिल्ने, ठाँटीपोखरी बजार क्षेत्र भएर पनि अघि बढाउन नमिल्ने र अन्य विकल्प पनि ननिस्कँदा प्रशारण लाइन विस्तारको काम गतिहिन भइरहेको थियो ।
केही समयअघि बैकल्पिक मार्गको खोजी भएको छ । सो वैकल्पिक मार्गको मुआव्जा समेत निर्धारण भइसकेको छ । अब सो कामले गति लिने आशा गर्न सकिने भएको छ ।
मनाङ, लम्जुङ र गोरखामा उत्पादन भएको विद्युत तनहूँको मार्किचोकस्थित सवस्टेशनमा जोडेर त्यहाँबाट भरतपुरस्थित राष्टिूय ग्रिडमा जोड्ने लक्ष्यसहित सो प्रशारण लाइन बिस्तार गर्न लागिएको हो । यो निर्माण भएपछि यस क्षेत्रमा उत्पादिन विद्युत देशभर फिँजाउन सकिन्छ, जसले देशको आर्थिक स्तर माथि उठाउन समेत मद्दत मिल्ने विश्वास लिन सकिन्छ ।
पालुङ्टारदेखि मार्किचोकसम्मको १० वटा टावर निर्माणको काममा गतिरोध भएको हो ।
वैकल्पिक बाटो खोजिएको पनि केही समय बितिसकेको छ, तर अझै काम सुरु गर्न ढिला भइरहेको छ । किन ढिला भइरहेको हो भन्ने बारे सरोकारवालाहरुले जिज्ञासा राखिरहेका छन् । त्यसैले यसलाई अब थप अलमल नगरी यथासक्य छिटो काम अघि बढाउनु पर्छ ।
संसदले एमसिसी परियोजना अनुमोदन गरिसकेको छ । एमसिसी परियोजना अन्तर्गतको एउटा महत्वपूर्ण काम पनि प्रशारण लाइन विस्तार हो । अब नेपाल जलविद्युतमा आत्मनिर्भर हुँदैछ । केही बर्षमा विद्युत बेच्ने अबस्थामा पुग्नेछ ।
विद्युत बेच्नका लागि विद्युत किन्ने देशको राष्टिूय ग्रिडसम्म जोड्न टूान्समिशन लाइन विस्तार गर्नुपर्नेछ । सो लाइन एमसिसी परियोजनाअन्तर्गत बन्नेछ ।
यस २२० केभीए विद्युत प्रशारण गर्ने टूान्समिसनको कामले पनि यथासीघ्र गति लिनु आवश्यक छ ।
