गोरखामा आज देखि कृषि तथा व्यापार प्रवद्र्धन मेला सुरु(फोटो फिचर)
गोरखामा चेम्बर अफ कर्मसको आयोजनामा कृषि तथा ब्यापार प्रर्वद्धन मेला २०७८ सुरु भएको छ । जिल्ला सदरमुकामको हरमटारी खेलुकद मैदानमा आइतबार चेम्बर अफ कमर्सका केन्द्रिय अध्यक्ष राजेन्द्र मल्लले मेलाको उदघाटन् गरेका थिए ।
मेला पहिलो दिन सदरमुकामको बसपाकबाट झाकी सहितको ¥याली हरमटारी हुदै खेलकुद मैदानमा टुङ्गिएको थियो । ¥यालीमा बाजागाजा सहित विभिन्न संघसंस्था, जातजातीको आ–आफ्नै भेषभुषा सजिएर आएका थिए ।
आइतबारबाट सुरु भएको मेला पुष २७ गते सम्म चल्ने चेम्बर अफ कमर्स गोरखाले जनाएको छ ।
उक्त मेलाबाट गोरखाका होटल ब्यवशाय, अन्य ब्यापार ब्यवशाय, कृषि उत्पादन बिक्री, पर्यटकीय स्थलको प्रचार प्रसार हुनेमा चेम्बर अफ कमर्स गोरखाका अध्यक्ष भाइचन्द्र श्रेष्ठले जानकारी दिए ।
मेलामा तीन करोड भन्दाबढिको कारोबार हुने अपेक्षा चेम्बरको छ । कोरोनाले थलिएको गोरखाको ब्यापार ब्यवशायलाई चलायमान बनाउन मेलाको आयोजना गरिएको श्रेष्ठ बताउँछन् । मेला संचालन गर्दा करि ४३ लाख खर्च हुने अनुमान गरिएको आयोजकले जनाएको छ ।
१० दिन चल्ने मेलाको ५० हजार जनाले अबलोकन गर्ने अनुमान रहेको चेम्बर अफ कमर्सका महासचिव रामस्वरुप श्रेष्ठले बताए । मेलामा एक सय ३० वटा स्टल रहने बताइएको छ । ती मध्ये ३० वटा कृषि तथा घरेलु उत्पादनलाई र बाँकी एक सय वटा ब्यापारीक प्रयोजनका लागि छुट्याइएको छ । बाल उद्यानका पिङ, बिभिन्न खेलहरु पनि संचालन हुनेछ ।
मेला अवधीमा राष्ट्रिय ख्याती प्राप्त कलाकार र स्थानीय कलाकारहरुहरुको प्रस्तुती निरन्तर रहने आयोजकले जनाएको छ ।
तस्बिरहरुः
