देशका धेरै ठाउँमा बुधवारसम्म बर्षा हुने
शनिवार रातिदेखि देशका धेरै ठाउँमा मौसम बदली भएको छ। केही ठाउँमा पानी परिरहेको छ। भारतको ओडिसा आसपासका क्षेत्रमा बनेको न्यून चापीय प्रणाली र पश्चिमी वायुको प्रभाव परेकाले मौसम बदली र पानी पर्न सुरु भएको हो।
आउँदो बुधवारसम्म नै पानी पर्ने र केही स्थानहरूमा ठूलो पानी पर्ने सम्भावना रहेको जल तथा मौसम पूर्वानुमान महाशाखाले जनाएको छ। यस्तै हिमाली जिल्लामा पनि वर्षासहित हिमपातको सम्भावना छ।
