पहिरोको कारण अवरुद्ध मुग्लिन–नारायणघाट सडक खण्ड खुल्यो
हिजो बेलुकीदेखि पहिरोका कारण बन्द भएको मुग्लिन(नारायणघाट सडक खण्ड दुइतर्फी खुलेको छ ।
मुग्लिन नारायणघाट सडक खण्ड अन्तर्गत सेतीदोभानमा गएको पहिरो हटाएपछि सडक खुलेको हो । सेतीदोभानमा हिजो बेलुकी ८ बजे खसेको पहिरो अघि बिहान सवा ९ बजे हटाइएको हो ।
यस्तै मुग्लिन – नारायणघाट सडकखण्डकै चारकिलोमा भने एकतर्फी मात्रै सडक खुलेको छ । पहिरोका कारण गएरातिदेखि यो खण्ड पनि बन्द थियो । अहिले पहिरो पन्छाएर एकतर्फी बाटो खुलाइएको प्रहरीले जनाएको छ ।
