संक्रमित सुनचाँदी व्यवसायी तथा कालिगढलाई सहयोग गर्न हेल्पडेस्क स्थापना
कोभिड–१९ को भाइरसबाट संक्रमित सुनचाँदी व्यवसायीहरुलाई स्वास्थ्य उपचारमा सहजीकरण गर्ने उद्देश्यले नेपाल सुनचाँदी व्यवसायी महासंघ गण्डकी प्रदेशले हेल्प डेस्क गठन गरेको छ ।
चन्द्र किशोर गौतमको संयोजकत्वमा १०१ सदस्यीय हेल्प डेस्क र १९ सदस्यीय सल्लाहकार समिति चयन गरिएको प्रदेश हेल्प डेस्कका सहसंयोजक तथा जिल्ला समन्वय समितिका संयोजक कृष्णबहादुर विश्वकर्माले जानकारी दिए ।
सदस्यबाट सहयोग रकम संकलन गरी व्यवसायी तथा उनीहरुका परिवार र कालिगढहरुलाई सहयोग गरिने उद्देश्यले हेल्प डेस्क गठन गरिएको विश्वकर्माले जानकारी दिए ।
हेल्पडेस्कले ११ लाख रुपैया भन्दा धेरै सङ्कलन गरिसकेको र संकलन कार्य जारी रहेको उनले बताए । सोही कोषमा नेपाल सुनचादी व्यवसायी महासंघले दुईलाख रुपैयाँ थप सहयोग गरेको उनले बताए ।
हेल्पडेस्कले ११ लाख रुपैया भन्दा धेरै सङ्कलन गरिसकेको र संकलन कार्य जारी रहेको उनले बताए । सोही कोषमा नेपाल सुनचादी व्यवसायी महासंघले दुईलाख रुपैयाँ थप सहयोग गरेको उनले बताए ।
हेल्पडेस्कले गोरखाका संक्रमित व्यवसायी हिमबहादुर विश्वकर्मालाई एम्बुलेन्समार्फत उद्धार गरी गोरखा अस्पतालमा उपचार गरेको विश्वकर्माले जानकारी दिए । त्यस्तै रुकुमका सुशीला विश्वकर्मा, नवलपुरका इन्द्रबहादुर सुनार, बाग्लुङका रोमबहादुर (यामु), गोरखाका हिम गोरखा, अक्षयकुमार श्रेष्ठ, कास्कीका पिताम्बर थापा, मंगलराज शाक्य, टुनलाल सुनार, लम्जुङका रविलाल विश्वकर्मा र काठमाडौंका सुनील श्रेष्ठलाई सहयोग गरिएको हेल्पडेस्कले जनाएको छ ।
हेल्पडेस्कले संक्रमित भएर मृत्यू भएका परिबारलाई राहत, संक्रमितलाई उपचार तथा उनको परिबारलाई पनि राहत, एम्बुलेन्सबाट उद्धार सेवा, अस्पतालहरुलाई अक्सिजन र औषधी प्रदान गर्दै संक्रमितबाट बच्नका लागि डाक्टरको परामर्श सम्पर्क तथा जुम प्रविधिबाट शिक्षा पनि दिने अभियान रहेको संयोजक गौतमले बताए ।
