जग्गा अभावमा १० भन्दा बढि स्वास्थ्य संस्था निर्माण हुन सकेन
राष्टिूय पुन निर्माण प्राधिकरणले जिल्ला आयोजना कार्यान्वयन इकाई (भबन) मार्फत गोरखामा ४२ वटा स्वास्थ्य संस्था बनाउने योजना अघि बढाएको थियो । चालु वर्षको सात महिना बितिसक्दा अहिलेसम्म एउटा पनि स्वास्थ्य संस्थाको निर्माण सुरु भएको छैन् ।
स्वास्थ्य संस्था निर्माण गर्न जग्गा व्यवस्थापन हुन नसक्दा मकैसिंङ, लापु, आँपपिपल, बिही, ल्हो, लाप्राक, गाँखु, केराबारी, चुम्चेत र प्रोकको स्वास्थ्य संस्था निर्माण हुन सकेको छैन । जौवारी प्राथमिक स्वास्थ्य केन्द्र भने स्थानीय तहले निर्माण गर्ने भएको छ ।
‘केही स्वास्थ्य संस्थाको नाममा जग्गाको लालपूर्जा नहुँदा भवनको स्टमेट समेत गर्न सकिएको छैनु जिल्ला आयोजना कार्यन्वयन इकाई भबनकी प्रमुख सुनिता श्रेष्ठले भनिन् । नेपाल सरकारले १४ र भारत सरकारको सहयोगमा ३० वटा स्वास्थ्य चौकी निर्माण गर्न लागिएको थियो ।
दुईवटा भने तनहुँमा निर्माण हुने र बाँकी ४२ वटा गोरखामा निर्माण हुनेछ । यी मध्ये ताकुकोट, जौवारी र मकैसिंङमा प्राथमिक स्वास्थ्य केन्द्र र अन्य ठाउँमा स्वास्थ्य चौकी निर्माण हुने आयोजना प्रमुख श्रेष्ठले बताईन ।
स्वास्थ्य चौकीका लागि दुई करोड ५० लाख र प्राथमिक स्वास्थ्य केन्द्रका लागि पुन निर्माण प्राधिकरणले करिब १२ करोड रुपैयाँ बिनियोजन गरेको छ । अहिले सम्म २४ वटा स्वीकृतका लागि पठाएको जिल्ला आयोजना कार्यान्वयन इकाईले जनाएको छ । अन्य स्वास्थ्य चौकी र प्राथमिक स्वास्थ्य केन्द्रको भने भबन बन्ने जग्गा ब्यवस्थापन भईसकेको छैन ।
‘जग्गा अभाव भएका स्वास्थ्य संस्थाहरुको जग्गा व्यवस्थापन गर्न पहल भइरहेको छ । जग्गा ब्यवस्थापन भएका भएकाहरुको योजना स्वीकृतको चरणमा छु जिल्ला आयोजना कार्यन्वयन इकाई प्रमुख श्रेष्ठले भनिन् ।
चालु आर्थिक वर्षको स्विकृत कार्यक्रमको बहुवर्षिय योजना अन्र्तगत स्वास्थ्य चौकी निर्माण हुन लागेको हो । केरौँजा काशिगाउँ, दर्बुङको ढिला गरी जग्गा प्राप्त भएकाले अहिले स्विकृतका लागि पठाउन लागिएको कार्यालयले जनाएको छ । बक्राङ, आरु पोखरी, मान्बु, मनकामनाको स्वास्थ्य संस्था भबन स्विकृतको चरणमा छ । ‘जग्गा प्राप्त गर्न स्थानीय तह सँग समन्वय गरि रहेका छौँु इकाई प्रमुख श्रेष्ठले भनिन् ‘जग्गा नभएको ठाउँमा स्टमेट गर्न सक्दैनौँ, त्यसैले स्विकृत हुन सकेको छैन । तनहुँमा बन्ने दुईवटा स्वास्थ्य संस्थाको भने योजना स्वीकृतको चरणमा रहेको उनले बताए ।
