नेपालमा कोरोना संक्रमणका कारण ७३ वर्षीय वृद्धको मृत्यु
कैलालीमा ७३ वर्षीय एक वृद्धको कोरोना संक्रमणका कारण मृत्यु भएको छ ।
कैलालीको गौरीगंगा नगरपागिका ३ का ७३ वर्षीय सो पुरुषको आज बिहान सेतीप्रादेशिक अस्पतालमा मृत्यु भएको हो ।
कडा निमोनियाका कारण यहि १२ गते जर्नल आईसियूमा भर्ना गरी उपचार भईरहेको र उनलाई कोरोना परिक्षण गर्दा १७ गते कोरोना पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले रातोपाटीलाई जानकारी दिए ।
उनलाई कोरोना पुष्टि भएपछि आईसियूमा राखेर उपचार हँुदै थियो र आज ६ बजेर ३२ मिनेटमा मृत्यु भएको उनले बताए ।
शवको ब्यबस्थापन नेपाली सेनाले गर्ने उनले बताए ।
मृतक व्यक्ति गौरीगंगानगरपालीका वडा नं ३ का वडा अध्यक्ष र नगरपालिकाका प्रवक्तासमेत रहेको गौरीगंगा नगरपालिकाका नगर प्रमुख भिम बहादुर देउवाले जानकारी दिए ।
