आमाको साथी बनेर लुटपाट
लामो समयदेखि लुटपाटमा सक्रिय सन्दिपा पहिले खेलीरहेका बच्चाको आमाको नाम पत्ता लगाउँथिन् । आसपासका पसलमा चियाँ पिउँदै नाम पत्ता लगाएपछि बच्चा नजिक गएर उनी भन्थिन्, ‘बाबु, तिमी फलानाकी छोरी हैन ?’
‘म तिम्रो आमाको साथी हुँ, आऊ आइसक्रिम किन्दिन्छु,’ भन्दै उनले बच्चालाई खानेकुरा किन्दिन्थिन् । अनि, बच्चालाई गुलियोमा भुलाएर ‘यस्तो मुन्द्रा किन लगाएको, बोत्तल–कागज खोज्न हिँड्नेले बोरामा हालेर लान्छन्’ भनेर उनले सो मुन्द्रा आमालाई दिन्छु भनेर निकाल्थिन् । त्यसपछि उनी फरार हुने गरेको प्रहरीको प्रारम्भिक अनुसन्धानबाट खुलेको छ । पछिल्लो एक वर्षयता उनले मुन्द्रा लुटपाट ‘धन्दा’ चलाएको महानगरीय अपराध महाशाखाका एक अधिकृतले रातोपाटीलाई बताए ।
सन्दिपाले मुन्द्रा लुटेका १६ जना बालबालिकाका परिवार प्रहरीको सम्पर्कमा पुगेका छन् ।
