गण्डकी प्रदेशका मन्त्री बस्नेतद्वारा स्वास्थ्य सामग्री हस्तान्तरण
गण्डकी प्रदेशका भौतिक पूर्वाधार विकास मन्त्री रामशरण बस्नेतले स्वास्थ्य कार्यालय गोरखालाई एकसय २० थान र्यापिड डाइग्नोस्टिक टेस्ट(आरडिटी) किट प्रदान गरेका छन् ।
प्रदेश सरकारको सामाजिक विकास मन्त्रालयबाट प्रदान गरिएको सो किट बुधबार मन्त्री बस्नेतले स्वास्थ्य कार्यालयका नरजंग ठकुरीलाई हस्तान्तरण गरे ।
साथै गोरखा अस्पतालका लागि मन्त्रालयबाट प्रदान गरिएको स्यानिटाइजर हस्तान्तरण गरेका छन् । अस्पतालका मेडिकल सुपरिटेण्डेण्ट डाक्टर नवीन थापालाई सो स्यानिटाइजर हस्तान्तरण गरेका हुन् ।
त्यसैगरी बुधबार नै आरुघाट पुगेर आरुघाट प्राथमिक स्वास्थ्य केन्द्रलाई पाँच थान पिपिई प्रदान गरेका छन् । मन्त्री बस्नेतले प्राथमिक स्वास्थ्य केन्द्रका प्रमुख विजय श्रेष्ठलाई सो पिपिई सेट हस्तान्तरण गरेका हुन् ।
