शहीद लखन गाउँपालिकाको प्रकोप ब्यबस्थापन कोषमा शिक्षक संघद्वारा १० हजार प्रदान
नेपाल शिक्षक संघ शहीद लखन गाउँपालिका समितिद्वारा गाउँपालिकाको प्रकोप व्यवस्थापन कोषका लागि १० हजार रुपैयाँ प्रदान गरिएको छ ।
समितिका अध्यक्ष कृष्णराज पन्तले सोमबार गाउँ कार्यपालिका कार्यालयमा गाउँपालिकाका अध्यक्ष रमेश थापा मगरलाई सो रकम हस्तान्तरण गरेका हुन् ।
कोरोना भाइरसको जोखिम न्यूनिकरण, रोकथाम तथा उपचार गर्ने प्रयोजनका लागि सो रकम हस्तान्तरण गरिएको समितिका अध्यक्ष पन्तले जानकारी दिए ।
सो कोषका लागि प्रदेश सरकारले पाँचलाख, साधना लघुवित्त वित्तीय संस्थाले ५० हजार रुपैयाँ प्रदान गरेको छ भने गाउँपालिका आफैले २५ लाख रुपैयाँ राखेको गाउँपालिकाका अध्यक्ष रमेश थापाले जानकारी दिए ।
