गोरखा अस्पतालमा उपचाररत दुईजनालाई कोरोना नभएको पुष्टि, एकजनाको रिपोर्ट आउन बाँकी
गोरखा अस्पतालमा उपचाररत दुई बिरामी कोरोना भाइरसबाट संक्रमित नभएको पुष्टि भएको छ।
सोमबार स्वाब पठाइएका सिरानचोक गाउँपालिका र गोरखा नगरपालिकाका दुई बिरामीको कोरोना भाइरस नभएको रिपोर्ट आएको गोरखा अस्पतालले जनाएको छ ।
मंगलबार स्वाब पठाएको एकजनाको भने अझै रिपोर्ट आएको छैन ।
उनीहरुलाई उच्च ज्वारो आएपछि शुक्रराज ट्रपिकल अस्पताल तथा राष्ट्रिय जनस्वास्थ्य प्रयोगशालामा स्वाब पठाइएको थियो ।
रिपोर्ट नेगेटिभ आएपछि अब उनीहरुलाई आइसोलेशनबाट वार्डमा सारेर उपचार गरिने अस्पतालले जनाएको छ । उनीहरुको स्वास्थ्य अबस्था सामान्य रहेको अस्पतालले जनाएको छ ।
