ढुंगाले किचेर एकको मृत्यू, एक गम्भीर घाइते
भीरबाट खसेको ढुंगाले लागेर धार्चे गाउँपालिका वडा नं ३ लाक्पालका एक बालकको मृत्यू भएको छ ।
बुधबार बिहान ११ बजेतिर भएको सो घटनामा परी गाउँ नजिकको खोलामा साथीहरुसंग खेलिरहेका पाँचबर्षका आकास गुरुङको मृत्यू भएको स्थानीय विशाल घलेले जानकारी दिए ।
ढुंगाले उनको टाउको र ढाड किचिएको थियो ।उनलाई बचाउन गएकी बालककी दिदी करिब सातबर्षकी बिनिता गुरुङ पनि सोही ढुंगाले लागेर गम्भीर घाइते भएकी छन् । उनलाई उपचारका लागि राजधानी काठमाडौं लगिदै गरेको घलेले बताए ।
खेलिरहेका बेला एक्कासी ढुंगा झर्न थालेपछि संगै खेलिरहेका चारजना बालबालिका भागाभाग भएको थियो ।
