ज्येष्ठ नागरिक मञ्चको अध्यक्षमा मोहनलाल श्रेष्ठ
ज्येष्ठ नागरिक मञ्च गोरखाको पाँचांै साधारण सभा तथा तेस्रो अधिबेसनले नयाँ कार्यकालका लागि मोहनलाल श्रेष्ठको अध्यक्षतामा ११ सदस्यीय जिल्ला समिति गठन गरेको छ ।
समितिको उपाध्यक्ष दिलबहादुर बस्नेत, सचिव सोमबहादुर श्रेष्ठ, कोषाध्यक्ष जुनुमाया श्रेष्ठ र सह(सचिव बोधप्रसाद अधिकारी रहेका छन् ।समितिको सदस्यमा मेदिनीबहादुर बस्नेत, मोहन प्रसाद श्रेष्ठ, इश्वर बस्नेत, धुब्र कुँवर, जगनसिंह गुरुङ र तुलसा मरहट्टा रहेका छन् ।
साधारण सभाले असोज १४ गते ज्येष्ठ नागरिक दिवस भब्यताका साथ मनाउने निर्णय गरेको छ । गोरखा नगरपालिकाका मेयर राजनराज पन्तको प्रमुख आतिथ्यतामा भएको कार्यक्रममा गोरखा नगरपालिका वडा नं ६ का अध्यक्ष नारायण अर्याल, नेपाल बार एसोसियसन गोरखाका अध्यक्ष यादव शर्मा, ज्येष्ठ नागरिक मञ्च पालुङटार संयोजक गेहेन्द्र राना लगायतले मन्तब्य ब्यक्त गरेका थिए ।
सोही कार्यक्रममा जिल्ला प्रहरी कार्यालयले ज्येष्ठ नाग रिकहरुसँग छलफल गरेको छ । छलफलका क्रममा उनिहरुले राज्यले ज्येष्ठ नागरिकलाई दिएको सेवा सुविधा सहज रुपमा पाउन नसकेको गुनासो गरेका थिए । यात्राका क्रममा ज्येष्ठ नागरिकलाई गाडी भाडामा छुट नपाएको, प्राथमिकताका आधारमा अस्पतालमा उपचार नपाएको उनीहरुको दुखेसो छ । कतिपयले आफ्ना सन्तानले सहज रुपमा देशमै रोजगारी नपाएर विदेशीएकाले बुढेसकालमा आफुहरुको रेखदेख तथा पालनपोषण गर्ने मान्छे नभएको पनि गुनासो गरे ।
छलफलमा प्राप्त गुनासो तथा सुझाव एकिकृत गरेर प्रदेश प्रहरी कार्यालयमा पठाउने प्रहरी निरीक्षक कमला नरालले जानकारी दिईन् ।
