चैत १६ गते नेपाल बन्द गर्ने घोषणा
नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ले सरकारले चैतभित्र पार्टीमाथिको प्रतिबन्ध नहटाए सरकारविरूद्ध प्रतिबन्ध र आमहडताल गर्ने चेतावनी दिएका छन् ।
नेताहरू धमाधम पक्राउ पर्न थालेपछि विप्लवले सोमबार एक विज्ञप्ति जारी गर्दै प्रतिबन्ध नहटाइए सरकारविरूद्ध संघर्ष गर्ने चेतावनी दिएका छन् ।
विज्ञप्तिमा स्थायी समिति सदस्य हेमन्तप्रकाश ओलीसहित नेता कार्यकर्ता पक्राउविरूद्ध चैत १६ गते नेपाल बन्द गर्ने घोषणा गरिएको छ ।
विज्ञप्तिमा चैत २४ गतेसम्म विभिन्न कार्यक्रम गर्ने उल्लेख छ । १३ गते देशभर चोक जुलुस, १४ गते देशभर कोणसभा, १५ गते मसाल जुलुस, १६ गते नेपाल बन्द, १९ गते अन्तरक्रिया, २१ गते जनवर्गीय संगठनको बिरोध प्रदर्शन, चैत २२ र २३ गते कालो झन्डा प्रदर्शन र २४ गते देशव्यापी जनसभा र जनप्रदर्शन गर्ने कार्यक्रम सार्वजनिक गरिएको छ ।
