छैठौँ स्थापना दिवसमा एम्बुलेन्स चालक संघद्रारा बिरामीलाई फलफूल वितरण
छैठौँ स्थापना दिवसको अवसरमा संयुक्त एम्बुलेन्स चालक संघ ट्रेड युनियन जिल्ला शाखाले गोरखा अस्पतालमा उपचारत बिरामीहरुलाई फलफूल वितरण गरेको छ ।
बिहिबार बिहान आयोजित एक कार्यक्रमका बीच संघले अस्पतालको अन्तरङ्ग कक्षमा उपचाररत बिरामीहरुलाई फलफलु बितरण गरेको संघका कोषाध्यक्ष कमल बसेलले जानकारी दिए ।
उपचाररत ४५ जना बिरामीलाई फलफूल वितरण गरिएको उनले बताए । बिरामीहरुलाई स्याउ, सुन्तला, अनार लगायतका फलफूल बितरण गरेको बसेलले बताए ।
चालक संघ गोरखाका अध्यक्ष बिष्णु नेपालीको अध्यक्षतामा सम्पन्न फलफूल वितरण कार्यक्रममा संघका सचिव चित्र थापाले शुभकामना मन्तव्य ब्यक्त गरेका थिए । कार्यक्रममा अस्पतालमा मेडिकल सुपरीटेण्डेण्ट डाक्टर सिद्धार्थ खनाल, अस्पताल सञ्चालक समितिका अध्यक्ष लालप्रसाद श्रेष्ठलगायतको उपस्थिति रहेको थियो ।
