गोरखा विकास बचत तथा ऋण सहकारी संस्थाको २२ औँ वार्षिक साधारण सभा
गोरखा सदरमुकाममा रहेको गोरखा विकास बचत तथा ऋण सहकारी संस्थाको २२ औँ वार्षिक साधारण सभा शनिबार सम्पन्न भएको छ ।
कार्यक्रममा सहकारीका सचिव शरदबाबु श्रेष्ठले वार्षिक प्रगति प्रतिवेदन र कोषाध्यक्ष योङकुमार श्रेष्ठले वार्षिक आर्थिक प्रतिवेदन प्रस्तुत गरेका सहकारीका व्यवस्थापक नविनकुमार श्रेष्ठले बताए । साथै कार्यक्रममा सहकारीका विभिन्न उपसमितिहरुको प्रतिवेदनसमेत प्रस्तुत गरिएको थियो ।
सहकारीमा कुल ६ सय १८ जना सदस्य रहेकोमा ५ सय ४५ जना मात्र सक्रिया रहेको उनले बताए । त्यस्तै, सहकारीको हाल सम्म कुल पुँजी १२ करोड ८० लाख ७० हजार ६ सय रहेको छन् भने यो वर्ष ३६ लाख ७८ हजार आठ सय ३ रुपैया आर्जन गरेको श्रेष्ठले जानकारी दिए । कार्यक्रममा असल बचतकर्ता रामलाल श्रेष्ठ र असल ऋणी गोपीमाया श्रेष्ठलाई सम्मान गरिएको थियो ।
संस्थाका अध्यक्ष रामबाबु जोशीको अध्यक्षता तथा गोरखा नगरपालिका प्रमुख कृष्ण रानाको प्रमुख आतिथ्यतामा सम्पन्न भएको कार्यक्रममा मेयर राना, नगरपालिकाकी उपमेयर सपना पुन, वडा ६ का वडा अध्यक्ष राजेन्द्रकुमार जोशी, जिल्ला सहकारी संघ गोरखा महासचिव सरोज देवकोटा, गोरखा उद्योग वाणिज्य संघका अध्यक्ष कृष्णकुमार श्रेष्ठ लगायतको उपस्थिति रहेको थियो ।
