नरेन्द्र मोदीले विवाह नगरेको भनेपछि !
मध्य प्रदेशकी राज्यपाल आनन्दीबेन पटेलले आइतबार मध्य प्रदेशको एक गाउँको सरकारी कार्यक्रममा भारतीय प्रधानमन्त्री मोदीलाई अविवाहित बताएकी छिन् ।
हरदा जिल्लाको तिमारी गाउँको आँगनबाडी केन्द्रमा उनको कार्यक्रमको एक भिडियो सोमबार भाइरल भएको छ । उक्त कार्यक्रममा आनन्दीबेनले त्यहाँ उपस्थित महिलासँग मोदीले विवाह गरेका छैनन् भनेकी छिन् ।
आनन्दबेनले आँगनबाडी केन्द्रमा महिलासँग भन्छिन्, ‘उनले विवाह गरेका छैनन्, यो त तपाईंहरुलाई थाहा छ नि । नरेन्द्र भाइले विवाह गरेका छैनन् । अविवाहित हुँदा पनि मोदीलाई महिला र बच्चालाई कस्तो समस्या हुन्छ, त्यसबारे थाहा छ ।’
आनन्दीबेनको यो बयान बिजेपीलाई असहज बनाउने किसिमको छ किनभने मोदीले बनारसमा नामांकनको शपथ पत्रमा जसोदाबेनसँग उनको विवाह भएको स्विकारेका थिए ।
