वृद्धभत्ता कटौती नगर्न गोरखा भारतीय भूपू सैनिक कल्याणकारी सेवाकेन्द्रको माग
दराैँदी समाचारदाताः गोरखा भारतीय भूपू सैनिक कल्याणकारी सेवाकेन्द्रले भूपू सैनिकहरुले खाइपाई आएको सामाजिक सुरक्षा भत्ता कटौति नगर्न माग गरेको छ ।
सेवाकेन्द्र गोरखाका अध्यक्ष कृष्णबहादुर गुरुङसहितको भूपू सैनिकहरुले प्रमुख जिल्ला अधिकारी सुरेन्द्र पौडेलमार्फत प्रधानमन्त्री केपी शर्मा वलीलाई ज्ञापन पत्र पठाउँदै सो माग गरेको हो ।
सामाजिक सुरक्षा भत्ता ज्येष्ठ नागरिकको नैसर्गिक अधिकार भएको सो सेवाकेन्द्रको दाबी छ । भारतीय वा ब्रिटिश भूपू सैनिक पनि नेपाली नागरिक भएकाले नेपाल सरकारले भेदभावपूणर् व्यवहार नगर्न अनुरोध गरको हो । अन्यथा आन्दोलनमा उत्रन बाध्य हुने उनीहरुको चेतावनी छ ।
गोरखामा करिब १२ हजार जना भारतीय तथा बिभिन्न देशका भूपू सैनिक रहेका छन् । साथै भारतीय र ब्रिटिश गरी ३५०० जना बहालवाला सैनिक छन् ।
भारतीय, ब्रिटिश वा नेपालका सेवा निवृत्त भूपू सैनिकहरुले सामाजिक सुरक्षा भत्ता नपाउने बिषयमा सरकारको गत असार १७ गतेको बैठकले निणर्य गरेको थियो । सो निणर्यप्रति आपत्ति प्रकट गर्दै अध्यक्ष कृष्णबहादुर गुरुङद्वारा हस्ताक्षरित सो ज्ञापन पत्रमा सरकारले पूर्ववत रुपमा सामाजिक सुरक्षाभत्ता वितरण गर्नुपर्ने जोड दिइएको छ ।
