गोरखा दरबार जाने बाटोमा वृक्षारोपण
पँदेलथोक टोल विकास सँस्थाले गोरखा दरबार जाने मोटरबाटोमा वृक्षारोपण गरेको छ ।
बुधबार बिहान बिभिन्न प्रजातिका एकसय ५० थान विरुवा रोपिएको सो संस्थाका प्रकाशचन्द्र श्रेष्ठले जानकारी दिए ।
दमौलीबाट ल्याइएकाल गुलमोहर लगायतका उन्नत तथा स्थानीय जातका विरुवा रोपिएको उनले बताए ।
विरुवा जोगाउनका लागि गोरखा नगरपालिकाले ४५ थान तारजाली उपलब्ध गराएको र अन्य विरुवाका लागि स्थानीय उपकरण प्रयोग गरी बारबेर गरिएको उनले बताए ।
