छेवेटारमा पञ्चेबाजा बजाउने तालिम संचालन
गोरखा नगरपालिका–१० का वडावासीलाई लक्षित गरी छेवेटारमा पञ्चेबाजा बजाउने तालिम संचालन गरिएको छ । वडा कार्यालयको आयोजनामा गत मंगलवारदेखि तालिम शुरु भएको हो ।
चार वटा समूह बनाएर तालिम संचालन भइरहेको वडाध्यक्ष प्रदिप कुवँरले बताए । उनका अनुसार एक समूहमा १५ जना सहभागी छन् । ‘प्रत्येक समूहलाई दैनिक दुई घण्टाका दरले तालिम दिएका छौ,’ उनले भने, ‘१५ दिनसम्म तालिम संचालन हुन्छ ।’
वडाको सिपमूलक तालिम कार्यक्रम अन्तरगत विनियोजित एक लाख रकमबाट तालिम संचालन गरिएको हो । परम्परालाई जगेर्ना गर्दै जिविकोपार्जनमा सहयोग पु¥याउने उदेश्यले तालिम संचालन गरिएको वडाध्यक्ष कुवँरले बताए ।
‘अहिले उफरमा गित लगाएर नाँच्ने चलन छ,’ उनले भने, ‘पञ्चेबाजाको परम्परा नै लोप होला जस्तो भयो त्यसैले तालिम राखेका हौ ।’ तालिमा ९५ प्रतिशत महिलाहरुको सहभागीता रहेको बताइएको छ ।
