दलित समुदाय नहुँदा चुमनुब्रीको ५ वटा वडामा उम्मेदवार नै ‘खालि’
उत्तरी गोरखामा दलित समुदायको बसोबास नहुँदा उम्मेदवार पद नै ‘खालि’ भएको छ ।
वडा समितिमा एक जना दलित महिला सदस्यको ब्यवस्था गरिएको छ । तर तिब्बतसित सीमा जोडिएको चुमनुब्री गाउँपालिकाको केही वडामा दलित समुदायको बसोबास नहुँदा सो पदको सदस्यमा उम्मेदवारी नै परेको छैन ।
‘वडा नं. २ र ३ मा मात्र दलित महिलाको उम्मेद्वारी परेको छ’, निर्वाचन अधिकृत नानीबाबु पोखरेलले भने, ‘अरु पाँचवटा वडाबाट दलित महिलाको पदमा उम्मेद्वारी नै परेको छैन ।’ वडा नं. १, वडा नं. ४, वडा नं. ५, वडा नं. ६ र वडा नं. ७ को दलित महिला सिट खालि रहेको उनले बताए ।
वडा नं. २ बाट ल्हाक्पा डिकी कामीको उम्मेद्वारी परेको छ । वडा नं. ३ को कांग्रेसबाट निरमाया बिक, नेकपा माओवादी केन्द्रबाट फुतानी कमिनी र जसपाबाट निमा कामीको उम्मेद्वारी परेको उनले बताए ।
