उत्तरी गोरखाको कथा व्याथा बोकेको म्युजिक भिडियो सार्वजनिक
कर्णालीको पीडा बोकेको रेलको बाटो बोलको गीतका गायक सुरज पण्डितको स्वरमा सजिएको उत्तरी गोरखाको कथा ब्याथा बोकेको म्युजिक भिडियो सार्वजनिक भएको छ । भौगोलिक विकटताका कारण उत्तरी गोरखाका बासिन्दाले भोग्दै आएका दुख, पीर तथा समस्यालाई उजागर गर्ने सो गीतको म्युजिक भिडियो सोमबार युट्युबमार्फत सार्वजनिक गरिएको हो ।
गीतले राजधानी सहरले नदेखेको उत्तरी गोरखा जस्ता दुर्गम बस्तीका बासिन्दाले भोगिरहेका समस्याहरु अभिव्यक्त भएका छन् । हिमाली भेगमा अवस्थित चुमनुब्री गाउँपालिकाका विभिन्न गाउँबस्तीमा सो म्युजिक भिडियोको छायांकन गरिएको छ ।
प्रेम पौडेलको शव्द रचना रहेको सो गीतमा गाउँका पीडा सहरले नदेखेको, चुनाव जितेर गएका नेताहरु गाउँमा नफर्केको, विदेश जाने लाइनमा रहेका युवाहरुले स्वदेशको आवाज सुनेर नपर्खेको, विकास र संवृद्धिको नारा कागजमा मात्र सीमित रहेको अबस्था दर्शाइएको छ ।
सुरज पण्डितको स्वर तथा संगीत रहेको सो गीतमा सुरज पण्डित स्वयं, स्थानीय कलाकार सोनाम छिरिङ, मोडल जोनिशा गुरुङलगायतको अभिनय रहेको छ ।
सो गीतको युटुव लिंक ः https://www.youtube.com/watch?v=hdU77r5D5GA&list=RDhdU77r5D5GA&start_radio=1
