मनास्लु हिमाल आरोहणका लागि ६० जनाले लिए अनुमति, डोरी टाङ्ने काम सुरु
यस वर्षको शरद ऋतु (सेप्टेम्बर, अक्टोबर र नोभेम्बर)मा मनास्लु हिमाल आरोहणका लागि ६० जनाले अनुुुुुुुुुुुुुुमति लिएका छन् । पर्यटन विभागका अनुसार विभिन्न मुलुकका ५४ जना पुरुष र ६ जना महिला गरी कुल ६० जनाले मनास्लु हिमाल आरोहणका लागि अनुमति लिएका हुन् ।
साथै यही ऋतुमा रक्सा उराई हिमाल आरोहणका ३ जना पुरुष र एक जना महिला गरी चार जनाले अनुमति लिएको विभागले जनाएको छ । विभागको तथ्याङ्क अनुसार मनास्लु र रक्सा उराई हिमाल आरोहणका लागि गत शुक्रबारसम्म २० मुलुकका ६५ जनाले विभागबाट अनुमति लिएका छन् । कुल सात समूह मध्ये ६ समूहले मनास्लु हिमाल र एक समूहले रक्सा उराई हिमाल आरोहणका लागि अनुमति लिएका हुन् ।
मनास्लु हिमालमा डोरी टाङ्ने समूहले गत भदौ १३ गते विभागबाट अनुमति पाएपछि शरद ऋतुमा हिमाल आरोहीहरूका लागि अनुमति लिने बाटो खुलेको हो । आरोहणका लागि दक्ष कामदार (आइसफल डाक्टर) आइतबार मनास्लुको बेस क्याम्प पुगिसकेका छन् ।
मौसमले साथ दिए उनीहरूले एक महिनामै मनास्लुको चुचुरोसम्म डोरी टाङ्ने (रोप फिक्सिङ) काम गरिसक्ने इम्याजिन नेपालका प्रबन्धक दावा फुटी शेर्पाले बताइन् ।
उनले भनिन्, ‘हाम्रा सात जना दक्ष शेर्पा कामदारहरू दावा ग्याल्जेन शेर्पाको नेतृत्वमा आज बेसक्याम्प पुगिसक्यो । थप ८ जना सहयोगीहरू पनि उनीहरूसँग छन् । बाटो खोल्ने काम सुरु भइसक्यो ।’
विभागको तथ्याङ्क हालसम्म रसियाका नागरिकले सबैभन्दा बढी मनास्लु आरोहण अनुमति लिएका छन् । रसियाका १२ पुरुषले विभागबाट अनुमति लिएका हुन् । यस्तै चीनबाट ६ पुरुष र २ महिला गरी ८ जनाले आरोहण अनुमति लिएका छन् । क्यानडा र जापानबाट ६÷६ जनाले अरोहण अनुमति लिएका छन् ।
यस्तै स्वीट्जरल्याण्डबाट ५ जना, अमेरिकाबाट ४ जना, भारत र जर्मनीबाट ३÷३ जनालगायत २० देशका आरोहीले विभागबाट आरोहण अनुमति लिएका छन् ।
हिमाल आरोहण गर्ने पर्यटकको आवागमनले गर्दा हिमाली पर्यटनका क्षेत्रमा रोजगारी सिर्जना गर्ने निर्देशक राकेश गुरूङले बताए । उनले भने, ‘हिमाल आरोहण गर्नु भनेको हिमालको चुचुरोमा पुग्नु मात्र होइन । यसले स्थानीय पूर्वाधारको विकासमा टेवा पु¥याउँछ भने प्रकृति र प्राकृतिक वातावरण संरक्षण एवं प्रवद्र्धन गर्न पनि सहयोग गर्छ । हिमाली पर्यटनले पर्यावरणीय पारिस्थितिकी प्रणालीलाई समेत संरक्षण गर्छ ।’
उनले शरद ऋतुका लागि अनुमति लिन आउने आरोहीहरू विस्तारै बढ्ने बताए । उनी भन्छन्, ‘बल्ल सिजन सुरु भयो अब केही दिनमै धेरै आरोहीहरू अनुमति लिन आउँछन् ।’ यसअघि गतबर्ष यो सिजनमा मनास्लु आरोहणका लागि तीनसय चार जनाले मनास्लु आरोहण गरेका थिए
