मानव अधिकार शिक्षा कार्यक्रम सम्पन्न
गोरखा सदरमुकाममा मानव अधिकार शिक्षा सम्बन्धी कार्यक्रम सम्पन्न भएको छ । नेपाल मानव अधिकार संगठन गोरखाको आयोजना शनिबार कार्यक्रम सम्पन्न भएको हो ।
कार्यक्रममा नेपालको संविधान र दिगो विकास, लोकतन्त्र, मावनअधिकार र काननी राज्य, मौलिक हक लगायतका विषयमा प्राध्यापक गोविन्द्रप्रसाद ढकालले प्रशिक्षण दिएका थिए । त्यस्तै, वरिष्ठ अधिवक्ता दिनेश त्रिपाठीले सुशासन र मावन अधिकारका बारेमा प्रशिक्षण दिएका थिए ।
मावन अधिकार संगठन गोरखाका अध्यक्ष दिलबहादुर बस्नेतको अध्यक्षता तथा गोरखा नगरपालिकाका नगरप्रमुख कृष्ण बहादुर रानाको प्रमुख आतिथ्यतामा भएको कार्यक्रममा संगठनका केन्द्रीय पूर्व उपाध्यक्ष डा. गोविन्द ढकाल, संस्थापक अध्यक्ष रामचन्द्र आचार्य लगयातका विभिन्न क्याम्पसका प्रमुख, नागरिक समाज, सुरक्षा निकाय, विद्यार्थीहरुको सहभागिता रहेको थियो ।
