गोरखामा मदिरा विक्रि वितरणमा निषेध
गोरखामा मदिरा विक्री वितरण र सेवन गर्न निषेध गरिएको छ । जिल्ला प्रशासन कार्यालयले मंगलबार सूचना जारी गर्दै निर्वाचन आचार संहितालाई कडाइका साथ पालना गर्न मदिरा विक्री वितरण र सेवन गर्न निषेध गरिएको जनाएको छ ।
मतदानको १५ दिन अगाडिको प्रचारप्रसार अवधिमा मदिरा विक्री वितरण र सेवन गर्न निषेध गरिएको सूचनामा उल्लेख छ । मंसीर ४ गते हुने प्रतिनिधि सभा र प्रदेश सभाको सदस्य निर्वाचनलाई स्वच्छ, निष्पक्ष, पारदर्शी र भयरहित वातावरणमा सम्पन्न गर्नका लागि निर्वाचन आचार संहितालाई कडाइका साथ पालना गर्न उक्त निर्णय गरिएको सहायक प्रमुख जिल्ला अधिकारी चित्राङ्गत बरालद्वारा हस्ताक्षर गरिएको सूचनामा उल्लेख छ ।
सो अवधिमा निषेध गरिएका कार्यहरु गरेको पाएमा प्रचलित कानुन बमोजिम कारवाही हुने जिल्ला प्रशासन कार्यालय गोरखाले जनाएको छ ।
