गोरखामा समानुपातिक तर्फको मतपत्र आईपुग्यो
आसन्न निर्वाचनका लागि गोरखामा मतपत्र आइपुगेको छ । मंसीर ४ गते हुने प्रतिनिधि र प्रदेश सभा निर्वाचनकालागि गोरखामा समानुपातिकतर्फको मतपत्र आइपुगेको हो ।
क्षेत्र नम्बर १ र २ लाई पुग्ने गरी दुवै चुनावको समानुपातिक मतपत्र आइतबार आईपुगेको निर्वाचन कार्यालयका सुचना अधिकारी रविलाल सुवेदीले बताए ।
मतपत्र सुरक्षाकर्मीको निगरानीमा टूकमा ल्याइएको थियो । आसन्न निर्वाचनका लागि गोरखामा तीनसय १७ मतदान केन्द्र र दुई सय २२ मतदान स्थल तोकिएका छन् । मतदाता शिक्षाकालागि केही पर्चा पम्पलेट पनि आईपुगेको छ ।
