गोरखाको बुढीगण्डकी प्रोक जलविद्युत चिलिमे कम्पनीले बनाउने
नेपाल विद्युत प्राधिकरणको बहुसंख्यक सेयर स्वामित्व रहेको चिलिमे हाइड्रो पावर कम्पनी लिमिटेडले बुढीगण्डकी प्रोक जलविद्युत्त परियोजनामा लगानी गर्न लगानी बोर्डसमक्ष प्रस्ताव गरेको छ ।
नदी प्रवाही रन अफ द रिभर प्रकृतिको बुढीगण्डकी प्रोक जलविद्युत्त परियोजनाको क्षमता ८१ मेगावाट रहेको छ ।
बोर्डमा लगानी स्वीकृतिका लागि पेस भएको प्रस्तावअनुसार, बुढीगण्डकी प्रोकको लागत १६ अर्ब ४५ करोड ५४ लाख रूपैयाँ रहने अनुमान छ ।
चिलिमेले लगानी गर्ने प्रस्तावसँगै करिडोरका अन्य सम्भाव्य जलविद्युत्त परियोजनाहरूमा स्वतन्त्र ऊर्जा उत्पादकहरूको लगानी आकर्षित हुने लगानी बोर्डका प्रमुख कार्यकारी अधिकृत सुशील भट्टले बताए ।
चिलिमेको २२१ मेगावाटको चिलिमे जलविद्युत परियोजना सञ्चालनमा रहेको छ । सो कम्पनीको अगुवाईमा विभिन्न कम्पनीहरूमार्फत अतिरिक्त १०२ मेगावाटको मध्यभोटेकोसी, ४२.५ मेगावाटको सान्जेन र १४.८ मेगावटको (माथिल्लो) सान्जेन र १११ मेगावाटको रसुवागढी जलविद्युत्त परियोजनाहरू निर्माणाधीन रहेका छन् । बुढीगण्डकी प्रोक विद्युत गृहदेखि नजिकको सबस्टेशनसम्म प्रसारणलाइन परियोजना आफैंले निर्माण गर्नेछ ।
